Искршена спомен плочата за Мара Бунева

Спомен плочата беше поставена во чест на одбележувањето на 86 години од атентатот врз Велимир Прелиќ, што на 13-ти јануари 1928-ма година, го извршила Бунева, по што се самоубила.

Во организација на Бугарскиот културен клуб, вчера во црквата Св. Димитрија во Скопје се одржа панихида за Мара Бунева, а потоа на кејот на реката Вардар беше поставена нова спомен плоча. На панихидата присуствуваа поддржувачи на ликот и делото на Мара Бунева, како и гости од соседна Бугарија

И минатата година истите здруженија ја поставија спомен плочата на Мара Бунева, но и тогаш таа не го дочека утрото, односно уште првата ноќ беше скршена. Полицијата излезе на терен за да изврши увид на местото на настанот.