Истражна постапка против соработници на Сименс
16 ноември 2006
Во големата рација со учество на 200 полицајци беа пребарани и приватни станови на активни и поранешни соработници на претпријатието, кои се наоѓаат под сомневање дека извршиле проневера на голема сума пари.
Потврда за големата рација дојде прво од надлежниот Државен обвинител Антон Винклер:
“Државното обвинителство Минхен 1 водија истражна постапка против одделни соработници на фирмата Сименс. Тие се наоѓаат под сомневање дека проневериле средства на претпријатието.“
И претставник на Сименс ги потврди информациите за истражната постапка, како и за пребарувањето на службените простории во Минхен и Еланген. Според него станува збор за проневера на околу 10 милиони евра. Под обвинение се шестмина соработници на фирмата, вработени во секторот за фиксна телефонија. Според извештај на интернет изданието на неделникот “Шпигел“ парите биле издвоени за подмитување потенцијални налогодавци за фирмата.
Акциите на Сименс на берзата не само што не загубија на вредност, туку дури забележаа пораст од 0,8%.