Италија запаѓа во владина криза
9 декември 2012
Италијанскиот премиер Марио Монти најави оставка непосредно по усвојувањето на законот за стабилност и буџет за наредната година од страна на Парламентот во Рим. Ова го соопшти канцеларијата на претседателот на Италија Џорџо Наполитано. Премиерот нема чувство дека се’ уште ја ужива поддршката на парламентот. По крајот на соработката меѓу неговата влада и партијата Народ на слободата (PDL) на Силвио Берлускони тој повеќе неможел ефикасно да раководи со Италија, го цитираше канцеларијата на Наполитано италијанскиот премиер. Монти и претседателот вчеравечер имаа речиси двочасовна средба.
Деснопопулистичката партија Народ на слободата на поранешниот шеф на владата Берлускони во четвртокот минатата недела ја повлече поддршката за технократската влада на Монти во Сенатот и Парламентот и бојкотираше повеќе гласања за достави од владиниот кабинет. Монти на гласањата сепак ги освои потребните гласови, иако пратениците од оваа партија не учествуваа во работата на парламентот.
Владиниот кабинет на Марио Монти од крајот на 2011 година досега беше поддржуван од најголемите политички партии. Премиерот исто така разбуди надеж, дека со него Италија повторно ќе биде постабилна. Поранешниот еврокомесар, меѓу европартнерите и на пазарите се смета за гарант за курсот за штедење на високо задолжената Италија. Но, меѓу сопственото население е поинаку. Според последните анкети на институтите за јавно мислење во земјата се топи поддршката за Монти на рекордно ниски 33 проценти.
„Вечниот“ Берлускони
Пред најавата за оставка на Монти, Берлускони објави дека има намера да се кандидира за парламентарните избори напролет идната година и по петипат да стане премиер на Италија.
Политичарот и претприемач на просторот за тренинг на неговиот фудбалски клуб Милан изјави: „Ќе настапам за да победам“. Се кандидирал со голема свест за одговорност и на овој чекор го поттикнале неговите приврзанции, изјави тој. Берлускони минатата година мораше да се повлече од премиерската функција поради растечките економски проблеми на Италија.
Недоамна, во прва истанца Берлускони беш осуден на казна затвор поради даночна измама. Суд во Милано предуси дека е виновен за манипулации на цените на неговиот медиумски концерн.
Точен термин за нови избори во Италија се’уште не е определн. Како опција се споменува 10. март. Берлускони ќе треба да се соочи со кандидатот на социјалндемократите Пјерлуиџи Берсани, кој во моментов има добри изгледи да освои мнозинство.