И Франција под сомневање за „душкање“

Француската тајна служба ДГСЕ, според информации на весникот „Ле Монд“, ги собира систематски податоците од телефонските комуникации, СМС пораките и имејл пораките кои се пренесуваат преку француски врски. Се собираат и податоците упатени до компјутери во странство, како и она што се пишува на социјалните мрежи како Твитер или Фејсбук. Сето тоа се чува со години без каква било правна контрола, пишува весникот.

Се собираат и податоците упатени до компјутери во странство, како и она што се пишува на социјалните мрежи како Твитер или Фејсбук. Други институции потоа, како тајната служба ДЦРИ или царината, од ваквиот куп информации го извлекуваат она што им е потребно и што нив ги интересира.

Кабинетот на францускиот премиер Жан-Марк Еро вчеравечер (04.07) соопшти дека извештајот во весникот „не е егзактен“. Има „повеќе служби“ кои собираат податоци од безбедносни причини, меѓу нив и ДГСЕ, ДЦРИ и царината. Сите мерки се законски рагулирани, а дел од барањата за податоци мора да бидат авторизирани од национално тело за контрола и се документираат, се тврди од кабинетот на премиерот.

И пратеникот од редовите на социјалистите кој во парламентот е задолжен за тајните служби, Жан-Жак Урвоа, изрази сомневање во извештајот. Тврдењето дека се собираат огромен број податоци кои потоа се чуваат не одговара на реалноста каква што мене ми е позната, рече тој. Според Урвоа, Французите во никој случај не се изложени на шпионирање во голем стил, врз кое нема никаква контрола.