Како до нов пасош за иселениците?

Конзуларното претставништво на Република Македонија во Бон им советува на сите граѓани, заинтересирани за добивање нова, биометричка патна исправа, да поднесат барање најдоцна до 1 март.

Писмено или телефонски треба да ги достават следните податоци: име и презиме, ЕМБГ, последно место на живеење во Република Македонија, мобилен или редовен телефон за контакт како и точна адреса на живеење во Германија.

Во периодот меѓу 15 март и 16 април во претставништвото во Бон ќе престојува и мобилна станица, што ќе прима барања и биометриски податоци од државјани на РМ, за кои не постојат законски пречки за поднесување на барањето. Подетални информации македонските граѓани можат да добијат во конзуларното преставништво.