1. Прескокни до содржината
  2. Прескокни до главната навигација
  3. Кон други страници на DW

„Капитано“ нуди спогодба

ЕМФ/афп17 јули 2013

Во Гросето, Тоскана, денеска (17.07) продолжи судењето на капетанот на бродот „Коста Конкордија“ кој доживеа хаварија пред италијанскиот брег. Франческо Скетино е обвинет за убиство од небрежност на 32 лица.

https://p.dw.com/p/199gK
Фотографија: picture-alliance/AP

Одбраната на обвинетиот капетан на бродот „Коста Конкордија“ понуди спогодување. Адвокатот на Франческо Скетино изјави дека неговиот клиент би признал дел од вината доколку казната биде ограничена на максимум три години и пет месеци затвор.

Бродот „Коста Конкордија“ доживеа хаварија на 13 јануари 2012 година, удирајќи во карпите пред брегот на островот Џилио при рискантен маневар. Скетино го напуштил бродот и не се вратил назад и покрај неколкуте барања на пристанишните власти да го стори тоа, додека најголемиот дел од патниците се обидувале да се спасат.

Costa Concordia-Prozess vertagt
Франческо Скетино нуди договорФотографија: TIZIANA FABI/AFP/Getty Images

Бродот до денес е во водите пред брегот на островот. Тој треба да биде тргнат од местотo на несреќата во септември. Во несреќата животот го загубија 32 лица, меѓу кои и двајца Германци. На мамутскиот судски процес против Скетино како сведоци се поканети повеќе од 400 лица, а има 250 котужители. Пресудата се очекува за неколку месеци.