Катер: побрзо да се донесе одлуката за статусот

Командантот на КФОР, германскиот генерал Роланд Катер денеска ја повика меѓународната посредничка тројка што побрзо да постигне решение за идниот статус на Косово, поради граѓаните во покраината и нивната иднина. Катер за германското радио изјави дека без разлика дали се работи за српското малцинство или албанското мнозинство “на луѓето им е потребна таа одлука за да имаат јасна визија за својата иднина”. Катер тврди дека статусот не е приоритет за граѓаните на Косово. Тие повеќе се занимаваат со решавање на секојдневните проблеми.