Кина усвои нови мерки за заштита на сопственоста

Кинескиот национален народен конгрес на последниот ден од годинашното заседание усвои законски предлози со кои се јакне заштитата на приватната сопственост. Така, за прв пат во Кина приватната се изедначува со државната сопственост. Со овие мерки кинеското раководство очекува поголеми инвестиции од странство. Но, на конгресот е решено да се укинат значителните даночни повластици за странските претпријатија и тие сега ќе бидат еднакво оданочувани, како и домашните.