1. Прескокни до содржината
  2. Прескокни до главната навигација
  3. Кон други страници на DW

Колкава е навистина радијацијата во Фукушима 1?

1 април 2011

Вредностите на радиокативност на водата измерени во хаварисаната нуклеарка Фукушима 1 се повторно неточни. Јапонските власти соопшти дека измерените вредности од страна на фирмата Тепко се делумно погрешни.

https://p.dw.com/p/10lf8
Еден од хаварисаните реактори во Фукушима 1Фотографија: picture-alliance/dpa

Компанијата која управува со атомската централа Фукушима Даичи, Тепко, соопшти дека во водата под централата е констатирано присуство на радиоактивен јод во количество 10.000 пати повисоко од нормалното. Јапонските нуклеарни власти меѓутоа денеска соопштија дека измерените вредности се делумно неточни.

Ова не е првпат Тепко да измери погрешно. Од катастрофалниот земјотрес и хаваријата на атомската централа Фукушима 1, фирмата која управува со централата постојано е предмет на критика поради својата политика на информирање. Портпаролот на јапонската влада Јукио Едано денеска не исклучи можност од подржавување на Тепко.

Japan Fukushima Stromversorgung Arbeiter 18. März
Техничари од Тепко поставуваат кабли за напојување на реакторите со електрична енергијаФотографија: picture alliance/abaca

Премиерот Кан во погодените подрачја

На руините на Фукушима 1 работниците денеска повторно се обидуваат повторно да ги обложат урнатините со вештачка смола, која би требало да спречи ширење на радиоактивната прашина. Вчера обложувањето беше прекинато поради дожд.

Јапонскиот премиер Наото Кан, во меѓувреме, ја најави својата прва посета во кризниот регион по катастрофата од 11 март. Тој утре (02.04) ќе ги посети уништениот град Рикузентаката и префектурата Фукушима, каде е хаварисаната централа, но најверојатно нема да ја обиколи и централата, јави агенцијата Кјодо.

Bundesaussenminister Guido Westerwelle Libyen
Германскиот министер за надворешни работи Гидо ВестервелеФотографија: dapd

Вестервеле во Јапонија

Во Јапонија утре ќе отпатува и шефот на германската дипломатија Гидо Вестервеле. Со посетата на Токио Вестервеле има намера да ја истакне солидарноста на Германија со јапонскиот народ.

По разурнувачкиот земјотрес и цунамито, досега официјално се избројани 11.600 загинати. Како исчезнати се‘ уште се водат околу 16.500 луѓе.

Автор:ЕМФ/СН/дпа

Редактор: Симе Недевски

Прескокни го блокот Повеќе на оваа тема

Повеќе на оваа тема

Покажи повеќе написи