Компромисот пропадна во Сенатот
30 јули 2011
Два часа претходно Претставничкиот дом на американскиот Конгрес во кој мнозинството го имаат републиканците го одобри предлогот, но во горниот дом -Сенатот кој е под контрола на демократите тој беше брзо отфрлен. Според аналитичарите ова е чекор, кој ги отсликува идеолошките разлики меѓу двата табора, но и го отвора патот за почеток на преговори за конечен договор.
Доколку републиканците и демократите до вторник не постигнат договор САД ќе мора да прогласат неликвидност, односно повеќе нема да можат да ги отплаќаат долговите.
САД во меѓувреме имаат наталожено долгови од околу 14,3 билиони долари.
Претседателот Барак Обама кој доаѓа од редовите на демократите притиска за подигнување на досега важечката и законски одредена граница на максимално задолжување. Тој меѓутоа сака да бидат зголемени даноците и за побогатите Американци, чекор што го отфрлаат републиканците.
Набљудувачите очекуваат дека конечното гласање за клучниот предлог за зголемување на границата на задоолжување ќе се случи во понеделник или најдоцна во вторник.
Автор:СН/ АТ/ ртр/ дв
Редактор: Александра Трајковска