Кондолиза Рајс во Израел

Американскиот државен секретар Кондолиза Рајс пристигна во Ерусалим каде што ќе разговара со целокупното израелско раководство околу иницијативата на американскиот претседател Џорџ Буш за мировна конференција на Блискиот исток. Попладне Рајс заминува во Рамала на средба со палестинскиот претседател Махмуд Абас. Саудиска Арабија изрази поддршка на иницијативата на Буш. Министерот за надворешни работи Сауд Ал Фајсал на заедничката прес конференција со Кондолиза Рајс го повика Израел да одговори на иницијативата за мир во регионот. Подготвеност за учество на мировната конференција изрази и Сирија. Американскиот претседател изјави дека конференцијата би се одржала до крајот на годинава, но не изнесе други детали.