1. Прескокни до содржината
  2. Прескокни до главната навигација
  3. Кон други страници на DW

Курти бара од НАТО: Запрете го етничкото чистење

ЕМФ/бета12 април 2012

НАТО и КФОР треба веднаш да се распоредат во северно Косово за да спречат натамошни инциденти и етничко чистење на Албанците, се наведува во писмото на лидерот на „Самоопределување“ Албин Курти до НАТО.

https://p.dw.com/p/14byj
Фотографија: picture-alliance/dpa

„КФОР е се‘ уште одговорен за безбедноста на сите граѓани на Косово. Со ова писмо барам да преземете итни мерки и да распоредите сили на КФОР и спречите натамошни инциденти кои би можеле да се случат“, наведува Курти во писмото испратено до генералниот секретар на Алијансата Андерс Фог Рaсмусен и командантот на КФОР Ерхард Древс.

Тој истакнува дека Албанците во северниот дел на Косово се без институционална заштита и се „во немилост на илегалните структури на Белград“, кои, како што наведува, продолжуваат да користат сила за да ги заплашат и да ги натераат да ги напуштат своите домови.

„Од нас се бара да останеме мирни, но ние тоа не можеме да бидеме, со оглед на тоа што знаеме за крајното угнетување на Албанците на северот на Косово“, наведува Курти и потсетува на случајот на подметнување бомба во Косовска Митровица пред три дена, кога загина Сељвер Харадинај.