КФОР со засилени патроли на Косово

КФОР објави дека денеска засилено патролираат на Косово, откако вчера беше објавен во јавност конечниот планот на специјалниот пратеник на ОН Марти Ахтисари кој предлага независност на покраината, набљудувана од меѓународните сили. Косовските власти оценија дека ова е историски момент за граѓаните во Косово и се надеваат дека СБ ќе го прифати предлогот без одолговлекување. За Белград независност е неприфатливо решение. И Русија повтори дека е против предлогот и дека се залага за продолжување на преговорите. САД, ЕУ и НАТО го поддржаа предлогот на Ахтисари кој според нив ќе придонесе кон стабилноста на регионот и за иднината на Косово.