1. Прескокни до содржината
  2. Прескокни до главната навигација
  3. Кон други страници на DW

Летот на Работнички во Европа продолжува

5 август 2011

Работнички останува во фудбалска Европа. Го мина и кипарскиот Анортозис во третата прелиминарна рунда од Лигата на Европа.

https://p.dw.com/p/12BcE
Фотографија: picture-alliance/augenklick/firo Sportphoto

Во реваншот во Скопје беше поразен со 2:1, но победничките 2:0 од првиот натпревар во Фамагуста, Работнички го кренаа во плеј-оф рундата.

Пораз рамен на победа

Кога во 63-та минута Анортозис поведе со 2:0 се чинеше дека фаворизираните гости ги враќаат работите на очекуваниот колосек. Но, погодокот на Ќумбев во 86-та минута ја крена Филип Втори арената на нозе. Подвигот на Работнички стана реалност.

Goran Petrevski Fußballtrainer Mazedonien
Тренерот Горан ПетрескиФотографија: DW

Младиот тренер на Работнички Горан Петрески по натпреварот не ги криеше своите емоции.

„Направивме голем успех за македонскиот фудбал, за Македонија, за Работнички и за историјата. Јас само можам да им честитам од се срце на моите играчи, што го оставија срцето на теренот, но и на сите луѓе во клубот. Максимално се подготвувавме за ова, немаме многу време за радост, сега сме фокусирани за мечевите што ни следат“.

Работнички посреќен и одличен домаќин

Тренерот на Анортозис, Бугаринот Станимир Стоилов со став дека ова е триумф на посреќната екипа.

„Работнички е победник, бидејќи имаше повеќе среќа од нас. Ние немавме среќа. Им посакувам успех во натамошните натпревари“.

На прашањето за впечатоците од претстојот во Скопје, Стилов концизен, но јасен: „Се’ беше перфектно, Работнички беше перфектен домаќин“.

Работнички, инаку деновиве прогласен за најуспешниот клуб во светот за месец јули, е во очекување на противникот во плеј-офот од Лигата на Европа.

Автор: Златко Калински

Редактор: Александра Трајковска