1. Прескокни до содржината
  2. Прескокни до главната навигација
  3. Кон други страници на DW

Македонија избори учество на ЕП во ватерполо

Sime Nedevski30 октомври 2011

Македонската ватерполо репрезентација со победата од 12:4 постигната синоќа (29.10.2011) на Олимпискиот базен во Скопје избори трето учество по ред на Европските првенства.

https://p.dw.com/p/131q9
Македонските ватерполисти повторно на ЕПФотографија: DW

Македонските ватерполисти во реванш баражот ја декласираа Франција со 12:4 (4:1;3:1;1:1;4:1) и успеаја да ја надополнат негативата од два гола од првиот дуел.

Повеќе од 1.000 гледачи во текот на целиот натпревар ја даваа потребната подршка за македонската репрезентација, која целиот натпревар го одигра на високо ниво и перфектно во одбраната, а „триколорите“ од 13 ситуации на играч повеќе постигнаа само еден гол.

„Бевме фантастични во одбраната, а во модерниот спорт се тргнува од добрата дефанзива. Честитки за играчите, но и за одличната публика“, рече селекторот Игор Гочанин по завршувањето на натпреварот.

Мирослав Ранџиќ постигна четири гола, Саша Мишиќ три, Данијел Бениќ два, а по еден гол дадоа Иван Вуксановиќ, Милан Петровиќ и Борис Летица.

Покрај Македонија преку баражот пласман на Европското првенство изборија и Грција, Романија, Турција и Германија.

Последниот учесник ќе биде познат утре по одигрувањето на реваншот Шпанија – Русија. Шпанија на првиот натпревар победи со 13:6.

Извлекувањето на групите ќе се одржи на 11 ноември во Ајндховен.

Автор: СН/ АТ /миа

Редактор: Александра Трајковска