Меркел апелира за надминување на разликите со Лондон

Двете земји се нето-плаќачи и мора да соработуваат, побара канцеларката Ангела Меркел за време на вчерашната (07.11) куса посета на Лондон.

Британската влада се заканува со вето, доколку издатоците во планирањето на буџетот за периодот 2014-2020 бидат повисоки од она што произлегува како неопходност поради евентуално зголемување на стапката на инфлација. Европската комисија и повеќемина партнери во ЕУ имаат намера да ги зголемат издатоците во висина до пет проценти, на речиси илјада милијарди евра. Камерон нагласи дека смета оти проширување на ЕУ-буџетот во време на криза не е разумно.

Буџетот на ЕУ мора да биде донесен едногласно. Шефовите на држави или влади на ЕУ за оваа тема ќе разговараат на 22 и 23 ноември.