Меркел во Ерусалим

Германскиот канцелар Ангела Меркел во Ерусалим се состана со израелскиот министер за надворешни работи Ципи Ливни, а и претстојат средби и со премиерот Ехуд Олмерт, како и со претседателот на Палестинците Махмуд Абас. Таа го посети и споменикот на холокаустот Јад вашем.

Меркел ја опомена новата палестинска влада на национално единство да ги прифати условите на меѓународниот мировен квартет за Блискиот Исток. Подршка ќе добијат само оние, кои навистина сакаат мировен процес, изјави Меркел по средбата со јорданскиот крал Абдула во градот Акаба на Црвеното Море.