Меркел се закани со нови санкции за Иран

Германската канцеларка Ангела Меркел се закани со нови санкции за Иран доколку земјата не попушти во спорот околу атомската програма. Меркел сепак се залага проблемот да се реши по дипломатски пат, но како што изјави во весникот „Ди Велт“, треба да се знае дека не се исклучуваат ниту санкции. „Иран не е само закана за безбедноста на Израел, туку и за регионот, Европа и светот“, рече Меркел. Претходно и САД и Франција се заложија за заострување на санкциите на ОН спрема Иран.