Меѓународните атомски власти со нови барања до Иран

Меѓународните атомски власти побарале од Иран да се постават камери за набљудување во нивните атомски постројки, јавуваат агенциите повикувајќи се на дипломатски извори. На Техеран му е дадено време до крај на март да го прифати барањето. Снимките од овие камери треба да пристигнуваат директно во Меѓународната агенција за атомска енергија во Виена, и со нив да се осигура дека иранската нуклеарна програма не се употребува за воени цели.