Музичарот Јусу Н’дур - министер за култура на Сенегал
5 април 2012Новиот премиер на оваа африканска држава Абдул Мбаје го назначил Н’дур за министер за култура и туризам. Составот на владата во Сенегал беше соопштен синоќа, два дена по инаугурацијата на новиот претседател на државата Макио Сала.
Н’Дур е еден од најпопуларните музички ѕвезди на Африка и добитник на најпрестижната музичка награда Греми. Тој првобитно сакаше да се кандидира за последните претседателски избори во родниот Сенегал, но кандидатурата не му беше прифатена поради недоволно собрани потписи. Н’ Дур потоа го поддржа Сала. Новиот претседател на Сенегал на изборите победи со огромно мнозинство, со што го симна од власт Абдулаје Ваде, кој на таа функција беше цели 12 години.
Сенегал, во кој живеат 12 милиони жители и која се наоѓа на западното крајбрежје на Африка, се соочува со сериозни економски проблеми и голема невработеност.