1. Прескокни до содржината
  2. Прескокни до главната навигација
  3. Кон други страници на DW

Надал и Вавринка во финалето на АО

ЖА/дв/дпа/ртре24 јануари 2014

Рафаел Надал ќе му биде противник на Станислас Вавринка во финалето на Грен слем турнирот Австралија Опен, што ќе се одржи в недела (26.01).

https://p.dw.com/p/1AweJ
Фотографија: Reuters

Шпанскиот тенисер и прв носител Рафаел Надал (на фотографијата) на убедлив начин се пласираше во финалето на Грен слемот Австралија Опен, откако денеска со 3-0 во сетови 7:6, 6:3 и 6:3 го совлада Роџер Федерер (Швајцарија).

„Денеска го одиграв најдобриот натпревар на целиот турнир“, изјави Надал, кој како и секогаш по победата над Федерер се става во улога на скромен победник: „Секогаш е нешто посебно, специјално емоционално кога играм против Федерер. Чест ми е да бидам во иста лига со него“, рече Надал.

За Шпанецот ова е 19. финале на големите турнири, од кои има 13 трофеи. Во завршниот меч на турнирот во Мелбурн закажан за в недела во 9 часот и 30 минути по средноевропско време Надал ќе игра со Станислас Вавринка, сонародникот на денешниот противник на првиот светски рекет.