Намаленa продажба на земјоделски производи - зголемени трошоци за живот во Македонија
10 септември 2013
Овие податоци денеска ги објави Државниот завод за статистика. Продажбата од сопствено производство на претпријатијата е намалена за 24,9 проценти. Вредноста на откупените земјоделски производи од индивидуалните земјоделски производители е зголемена, пак, за 7,1 проценти. Намалување на вредноста на откупените и продадените земјоделски производи статистиката регистрира кај житата и овошјето, додека кај сите други земјоделски производи се забележува зголемување.
Државниот завод за статистика бележи и зголемување на трошоците за живот во август во однос на јули. Тие во овој период се зголемиле за 0,3 проценти. Трошоците на животот се мерени преку цените на стоките и на услугите за лична потрошувачка. Во август во однос на јули оваа година пораст на трошоците на живот е забележан во
Групите - транспорт за 1,8 проценти, храна и безалкохолни пијалаци и мебел, покуќнина и одржување на покуќнина за 0,4 проценти, алкохолни пијалоци, тутун, рекреација и култура и останати стоки и услуги за 0,1 проценти.
Доколку се споредува со истиот период минатата година, тогаш се забележува зголемување на трошоците за живот за 2,8 проценти.
Статистика во август во однос на јули годинава евидентира намалување на трошоците на живот во групите: облека и обувки за 0,2 проценти и домување, вода, електрика, гас и други горива за 0,1 процент. На ниво од претходниот месец останале трошоците за групите: здравје, комуникации, образование и ресторани и хотели.