1. Прескокни до содржината
  2. Прескокни до главната навигација
  3. Кон други страници на DW

Напад врз египетскиот министер за внатрешни работи

ЕМФ/дпа5 септември 2013

Египетскиот министер за внатрешни работи Мохамед Ибрахим денеска (05.09) преживеа напад со мотоцикл-бомба. Во нападот се повредени шест лица.

https://p.dw.com/p/19cWe
Фотографија: picture-alliance/dpa

Во нападот што денеска се случи во Каиро (на насловната фотографија), министерот Мохамед Ибрахим не е повреден, се тврди од безбедносни кругови. Се додава и дека полицијата ги убила двајцата осомничени напаѓачи.

Во моментот кога експлодирале три бомби министерот за внатрешни работи Ибрахим сакал да тргне на работа во придружба на своите телохранители во квартот Наср Сити. Петмина од неговите телохранители се повредени, а повреден е и еден минувач. Од Министерството за внатрешни работи велат дека бомбите биле прицврстени на мотоцикл, паркиран на работ од улицата, од страна на две лица. За идентитетот на напаѓачите досега нема информации.

Ägypten Innenminister Mohamed Ibrahim Archivbild
Министерот за внатрешни работи Мохамед Ибрахим има многу непријателиФотографија: Reuters

Напади со експлозив во Египет се ретки. Набљудувачите претпоставуваат дека има поврзаност на нападите со апсењето на водачот на Ал Каеда на Синајскиот полуостров, Адел Хабара, кое се случи минатиот викенд. Ибрахим има многу непријатели, како меѓу египетските исламисти, така и меѓу таканаречените револуционери, кои го обвинуваат за убиство на голем број демонстранти од нивните редови.