1. Прескокни до содржината
  2. Прескокни до главната навигација
  3. Кон други страници на DW

Најмалку 93.000 жртви во војната во Сирија

АТ/ ртре/ дпа/ афп/епд13 јуни 2013

Во сириската граѓанска војна, според Обединетите нации, досега животот го загубиле најмалку 93.000 луѓе. Претставници на светската организација бараат поголема помош од Германија.

https://p.dw.com/p/18oyZ
Фотографија: AP

Обединетите нации поднесоа нов биланс за жртвите од војната во Сирија. Според светската организација од избувнувањето на бунтот против властодржецот Башар ел Асад на средината на март 2011 година убиени биле најмалку 93.000 луѓе. Ова е „минималниот број на жртви“, изјави високата комесарката за човекови права на ОН, Нави Пилај (на насловната фотографија)во Женева. Организациите за човекови права веќе извесен период говорат дека во Сирија животот го загубиле 94.000 луѓе. Секој месец во меѓувреме се регистрираат меѓу 5.000 и 6.000 смртни жртви, се вели од Женева.  

Повеќето жртви од минатиот ноември се од околината на главниот град Дамаск како и од милионската метропола Алепо. Оваа екстремно висока стапка на смртност ја рефлектира и драматично влошената состојба во земјата, рече Пилај. Таа укажа на тоа дека меѓу смртните жртви има 6.500 деца. Според Пилај постоеле добро докажани случаи за измачување и убиство на деца како и масакар на цели семејства, вклучително и на бебиња.

Syrien Bürgerkrieg Mehr als 70.000 Tote
Повеќе од 90.000 жртви во војната во СиријаФотографија: Reuters

Координаторката на ОН за итна помош Валери Амос упати молба до Германија за поголема поддршка во сирискиот конфликт. Неопходна е не само хуманитарна помош за бегалците, туку и економска поддршка за Јордан, Турција и Либан, реча Амос за радиото „Дојчландфунк“ во Келн.