Нема информации за судбината на киднапираните британци во Багдад

Властите во Лондон сеуште немаат информации за судбината на петтемина британски државјани кои вчера беа киднапирани во Багдад. Досега никој не ја презеде одговорноста за киднапирањето.

Премиерот Тони Блер изјави дека ќе биде направено се да им се помогне на грабнатите лица. Претставници на британската амбасада во Багдад во моментов се во контакт со ирачките власти во обид да се реши кризата. Во првите извештаи на арапските медиуми се тврдеше дека биле грабнати тројца Германци, но тие вести не се потврдија, соопшти министерот за надворешни работи Франк Валтер Штајнмајер. Тој го осуди грабнувањето во Багдад.