Нимиц во Атина наредната недела

Грчкиот министер за надворешни работи Дора Бакојани денеска изјави дека специјалниот посредник на ОН во спорот за уставното име на Македонија, Метју Нимиц, во текот на наредната недела ќе ја посети Атина. Бакојани вчера во Берлин по разговорите со германскиот колега Франк Валтер Штајнамер изјави дека доколку постои вистинска и позитивна настроеност кон Европа и Алијансата треба да се надмине овој проблем. Таа додаде дека Алијасната бара добри меѓусоседски односи. Штајнамер од своја страна изјави дека станува збор за сериозен спор, но изрази надеж дека двете страни ќе најдат решение.