Нимиц во Скопје
5 март 2008Реклама
Медијаторот Метју Нимиц денеска во Скопје се обидува да издејствува компромисно решение за македонско - грчкиот спор околу името, во очи одлуката за прием на Македонија во алијансата. Не е познато какви дипломатски понуди носи Нимиц, но македонските власти се одлучни пред него повторно да ја бранат позицијата за двојна формула. Опозицискиот лидер, Радмила Шекеринска, побара и итна дипломатска офанзива за примена на одредбата од Привремената спогодба со Грција, во која Атина се обврзува да не го попречува влезот на Македонија во која било меѓународна организација, вклучително и НАТО.