Новата палестинска влада положи заклетва

Вонредната палестинска влада денеска положи заклетва пред палаестинскиот претседател Махмуд Абас. Претседателот претходно мораше да смени неколку одлуки за да се надминат уставните ограничувања и новата влада да стапи на сила без за неа да се гласа во Парламентот. Меѓу другото тој го забрани вооруженото крило на радикалното движење Хамас. Досегашниот премиер Ханија изјави дека не ја прифаќа одлуката на Абас и си останува на премиерската позиција. Абас и новата влада ја имаат поддршката од меѓународната заедница.