1. Прескокни до содржината
  2. Прескокни до главната навигација
  3. Кон други страници на DW

Новиот премиер на Шпанија е против некои стари закони

7 јануари 2012

Новиот шпански премиер Мариано Рахој е противник на некои општествени реформи кои ги вовеле неговите социјалистички претходници. Една од нив е и либералниот закон за абортус за кој Рахој вели дека би сакал да го промени.

https://p.dw.com/p/13XDK
Spain's conservative leader and the country's next prime minister Mariano Rajoy poses at the Parliament after being elected as the new prime minister, in Madrid, Tuesday, Dec. 20, 2011. Spain's Parliament voted conservative Popular Party leader Mariano Rajoy as premier on Tuesday. Spain's borrowing costs have plummeted in a short-term debt auction, indicating market confidence in the country's ability to handle its debt is recovering. (Foto:Daniel Ochoa de Olza/AP/dapd)
Маријано Рахој, новиот премиер на ШпанијаФотографија: dapd

Неодамна во Мадрид беше одржан протест против измените на законот за абортус кој го донесе минатогодишната социјалистичка влада, а кој го олесна процесот на прекин на бременоста. Новиот закон предвидува дека жените не мораат повеќе да се повикуваат на опасноста по нивното физичко и психичко здравје за да ја прекинат бременоста во првите 14 недели. Меѓутоа, само неколку месеци по таа реформа, се чини дека регулативата во Шпанија би можела да биде вратена на претходната состојба.

Во земјата е избрана нова влада на чие чело е конзервативецот Маријано Рахој. Тој уште во текот на кампањата најави дека Законот за абортусот е премногу либерален. Со него се согласни и голем број од неговите избирачи, како и влијателната Католичка црква. Некои од противниците на абортусот, како на пример Мануел Круз од фондацијата „Живот“, се залагаат  за тоа Рахој да воведе радикална реформа: „Ние предалагаме забрана на абортусот, како што е тоа случај во Полска. Абортусот е нормално оправдан единствено во случај кога е во прашање животот на жената и не може да се одржи во живот и бебето. На тој начин не се радувате на убиството”, вели Круз.

Олеснувањето на абортусот треба да се забрани

** File ** In this Feb. 16, 2008 file photo, a woman holds up a leaflet which reads, "Please read this letter in defens e of life. In 2006, 101'592 abortions were carried out in Spain. Comprehension and generosity could save this child", during an anti-abortion protest in Madrid. Spain is on course to ease its restrictive law on abortion, setting the stage for another clash between a Socialist government that has already introduced sweeping social changes and conservatives and Catholic clergy bent on preserving traditional family values.Last year, more than 100,000 abortions were carried out in Spain, one of the higher rates in Europe. (AP Photo/Paul White, File)
Противници на абортусот во ШпанијаФотографија: AP

Тешко дека новата влада ќе го поддржи неговиот предлог, абортусот да биде дозволен единствено во случај кога е во прашање животот на мајката. Наместо тоа, конзервативците велат дека сакаат да ги поништат измените на законот, како на пример, олеснување на абортусот и овозможување абортирање на тинејџерките без одобрение на родителите. Официјалните бројки за извршените абортуси, откако беше воведен новиот закон минатата година, се´ уште не се достапни. Заговорниците на реформите тврдат дека неговите предности веќе се чувствуваат и тоа на многу начини. Јавните болници, како онаа во центарот на Мадрид, не ризикуваат поради правните, но и економските недоумици кои произлегувале од често различните и збунувачки толкувања на стариот закон ширум 17-те шпански региони.

„Порано, за жените кои живеат во Андалузија, абортусот беше бесплатен. Доколку живеете во Мадрид, морате да платите”,  вели Изабел Серано, гинеколог и волонтерка во шпанската Федерација за планирање на семејството.

Стариот закон ја подобри состојбата со сексуалното образование

FILE - In this Sept. 8, 2008 file photo, statues of babies wrapped in plastic sit on display during a religious service held by anti-abortion groups in a cemetery in Mexico City. One week earlier, Mexico's Supreme court upheld the capital's abortion law, setting a precedent for the rest of the country that could inspire other Latin American cities. Increased contraceptive use has led to fewer abortions worldwide, but deaths from unsafe abortion remain a severe problem, killing 70,000 women a year, a research institute reported Tuesday, Oct. 13, 2009 in a major global survey. (AP Photo/Gregory Bull, File)
Кога е легитимен еден абортус?Фотографија: AP

„Во Шпанија имавме некој вид гето во смисол дека абортусот е спроведен единствено во приватниот сектор каде што жените морале да платат. Новиот закон е добар и за лекарите бидејќи ги покрива и ги брани нивните права, како и правата на жените и тоа за нас е најважно.”

Изабел Серано тврди дека законот од 2010 година ја поправил состојбата по прашањето на сексуалното образование и ги зголемил средствата во областите како што е планирањето на семејството. Таа вели дека стариот закон бил полн со дупки кои илјадници жени ги користеле секоја година.

Абортусот не е единствената општествена реформа што ја вовел бившиот премиер Хозе Луис Запатеро, а која неговиот наследник сака да ја менува. Рахој се буни и против истополовите бракови кои се дозволени во 2005 година, иако во помала мерка,отколку против законот за абортус. Многу матични служби бележат пораст на истополовите бракови, бидејќи хомосексуалците стравуаат дека наскоро нема повеќе да можат да се венчаваат.

Автор: Гај Хедџкоу / Бисера Огњановска Митров

Редактор: Симе Недевски