Нуланд бара реформи од Македонија
8 ноември 2007Реклама
Амбасадорката на САД во НАТО Викторија Нуланд денеска во Скопје ја повтори пораката дека Македонија мора да ги спроведе потребните реформи за да добие покана за членство на самитот на НАТО во Букурешт, за што ја има поддршката од Вашингтон. По разговорите со премиерот Никола Груевски Нуланд побара Скопје и Атина да се вратат на преговарачка маса и да разговараат за проблемот со името под покровителство на Метју Нимиц. Амбасадорката на САД во НАТО инаку изрази позитивни оценки за напредокот во Македонија. Нуланд е придружувана и од високи претставници на Стејт департментот.