1. Прескокни до содржината
  2. Прескокни до главната навигација
  3. Кон други страници на DW

Обама реизбран за претседател

Борис Георгиевски/ројтерс/ап7 ноември 2012

Барак Обама останува претседател на САД и во наредните четири години. Актуелниот шеф на најмоќната светска држава го победи на изборите својот противкандидат, републиканецот Мит Ромни.

https://p.dw.com/p/16dyj
Фотографија: Reuters

Демократот Барак Обама ќе ги предводи САД во уште еден мандат, откако во извонредно неизвесна трка го совлада својот ривал од Републиканската партија, гувернерот Мит Ромни.

Иако резултатите од изборите се‘ уште не се официјализирани, повеќе од јасно е дека Обама освоил убедливо мнозинство од електорските гласови кои ги дава секоја сојузна држава посебно, во зависност од големината и бројот на населението.

Според моменталните резултати, Обама освоил 303 електорски гласа (за победа потребни се 270), наспроти 203 колку што на своето конто има Ромни.

Клучни за победата на Обама, како што се очекуваше, се покажаа ткн. „свинг“ држави Охајо, Вирџинија, Њу Хемпшир, Флорида и Ајова.

Според проценките на американските медиуми, Ромни освоил повеќе гласови во тотал на државно ниво, но клучно за изборот на претседател се електорските гласови.

Во очекување на победничкиот говор, Обама им се заблагодари на граѓаните на поддршката преку Твитер.

„Ова се случи благодарение на вас. Сите сме заедно во ова. Така ја водевме кампањата и покажавме какви сме“, порача Обама. Во неколку американски градови, а пред се‘ во Чикаго, каде се очекува говорот на Обама, и во Њујорк, веќе се слави на улиците.

Од штабот на Мит Ромни се‘ уште официјално не го признале поразот, и според некои најави, можно е штабот на гувернерот да вложи жалби за исходот на гласањето во некои држави.