ОБСЕ:изборите во Украина според демократски стандарди

Украинските предвремени избори се спроведени во согласност со демократските стандарди, соопштија од набљудувачката мисија на ОБСЕ. Во меѓувреме државнат изборна комисија врз основа на 67% преброени гласови соопшти дека најголема поддршка има блокот на опозиционата лидерка Јулија Тимошенко. Тие водат со 33% гласови. Партијата на регионите на премиерот Виктор Јанукович, освои речиси 30% гласови, додека партијата Наша Украина на претседателот Виктор Јушченко ја доби довербата на 16% од избирачите. Тимошенко најави дека денеска ќе почне со консултации за состав на нова влада со партијата Наша Украина. Тимошенко и Јушченко постигнаа договор за обновување на нивниот сојуз непосредно пред изборите.