ОБСЕ не успеа да се изгласа заедничка декларација
1 декември 2007Реклама
ОБСЕ не успеа да усвои заедничка декларација на годишната средбата на министрите за надворешни работи во Мадрид. Од 2002 година организацијата не успева да усвои заеднички политички декларации на свoите средби што ја лишува од нејзината ориентација и ја прави понеефикасна, се вели во заклучниот документ. На средбата е одложено и решението за нејзината мисија на Косово, поради противењето на Москва. Шпанското претседателство ја повика Русија да ја преиспита и одлуката за истапување од Договорот за конвенционалните вооружени сили, најавена за 12 декември. На средбата е постигната согласност за нова мисија за контрола на безбедноста на границите во Авганистан.