Ослободени 3400 опозиционери во Пакистан
20 ноември 2007Реклама
Пакистанските власти ослободија над 3400 приврзеници на опозицијата приведени по воведувањето вонредна состојба во земјата на 3 ноември. Министерот за внатрешни работи соопшти дека останатите 2000 уапсени ќе бидат наскоро ослободени. Агенциите јавуваат за повеќемина уапсени новинари во Карачи по анти владините демонстрации. Во меѓувреме претседателот на Државната изборна комисија потврди дека парламентарните избори во Пакистан ќе се одржат на 8 јануари. Конечните списоци со кандидатите треба да бидат претставени во Комисијата до 15 декември.