Свет

Осомничениот напаѓач од Лас Вегас се самоубил

Во напад на музички фестивал во Лас Вегас загинаа најмалку 50 лица, а повеќе од 400 се повредени, од кои дел се во тешка состојба.

USA Schießerei in Las Vegas (Getty Images/D. Becker)

Осомничениот напаѓач Стивен Падок најверојатно сам си го одзел животот пред полицијата да влезе во хотелската соба во центарот на Лас Вегас, каде што бил забарикадиран по нападот. Полицијата до него пронашла повеќе парчиња оружје. 64-годишниот Падок претходно пукаше во публиката на кантри-концертот во рамките на музички фестивал во американската туристичка метропола. Притоа уби најмалку 50 луѓе, а повеќе од 400 се повредени, од кои дел тешко. Истрагата смета дека нападот го извршило само едно лице.

Очевидци тврдат дека на концертот, на кој биле присутни околу 30.000 луѓе, се слушнале стотици истрели. Голем број раскрварени луѓе лежеа на земја, изјави за Си-Ен-Ен младо момче кое присуствувало на крвопролевањето. Кери Пирсон, која исто така била присутна на коцертот, за агенцијата ДПА рече: „Ползевме по мртви луѓе.“ Таа слушнала повеќе истрели, најверојатно од автоматско оружје.

USA Schießerei in Las Vegas (Getty Images/D. Becker)

Полицијата на Твитер ги повика граѓаните да го избегнуваат местото каде што се одржувал концерот, кое инаку е во близина на казината и на аеродромот. Познатиот булевар во Лас Вегас е затворен, а одредени летови кон градот се пренасочени.

Американскиот претседател Доналд Трамп им изрази сочувство на жртвите и нивните семејства. „Најдлабоко сочувство за жртвите на ужасното пукање во Лас Вегас и нивните семејства. Господ да ве чува“, напиша Трамп на Твитер. 

Albanian Shqip

Amharic አማርኛ

Arabic العربية

Bengali বাংলা

Bosnian B/H/S

Bulgarian Български

Chinese (Simplified) 简

Chinese (Traditional) 繁

Croatian Hrvatski

Dari دری

English English

French Français

German Deutsch

Greek Ελληνικά

Hausa Hausa

Hindi हिन्दी

Indonesian Bahasa Indonesia

Kiswahili Kiswahili

Macedonian Македонски

Pashto پښتو

Persian فارسی

Polish Polski

Portuguese Português para África

Portuguese Português do Brasil

Romanian Română

Russian Русский

Serbian Српски/Srpski

Spanish Español

Turkish Türkçe

Ukrainian Українська

Urdu اردو