Осуда на одлуката на Мудис за Португалија

Намалувањето на рејтингот не е образложено со факти, изјави Шојбле во Берлин и побара прекинување на олигополот на рејтинг-агенциите Мудис, Фич и Стандард и Пурс. Во меѓувреме, претседателот на Европската комисија Жозе Мануел Баросо во Стразбур најави дека до крајот на годината ќе бидат поднесени предлози за подобрување на транспарентноста и методиката во рејтинг-сферата. Мудис вчера го намали рејтингот на Португалија со образложение дека постои голем ризик, на владата во Лисабон да и‘ биде потребен втор финансиски пакет за спас. Во моментов државите од евро-зоната и ММФ гарантираат со околу 78 милијарди евра.

Автор: ЕМФ/дв

Редактор: Горан Чутаноски