Партискиот врв на ВМРО ДПМНЕ го прифати договорот со ДУИ

Партискиот врв на ВМРО ДПМНЕ на синоќешната седница ги одобрил резулатите од политичкиот дијалог со опозиционата ДУИ. Денеска и ДУИ треба да го одобри постигнатиот компромис и да се вратат во Парламентот. Претходно, по вчерашниот состанок меѓу премиерот и лидер на ВМРО ДПМНЕ, Никола Груевски и потпретседателот на ДПА, Мендух Тачи Скопје беа надминати несогласувањата по најавата на албанската партија дека ќе ја напушти владата. По средбата Груевски изјави само дека разговарале за идните планови на владата.