Подготовки за шестпартитните преговори со Северна Кореја

Јужнокорејскиот претседател Ли Мјунг Бак денеска во Сеул се сретна со кинескиот заменик премиер Ли Кечијанг на разговори околу можното продолжување на преговорите со Северна Кореја. Средбата доаѓа само еден ден по преговорите на САД со претставници на власта од Северна Кореја во Женева, кои беа оценети како многу позитивни.

Ли Кечијанг, кој се смета за веројатен иден премиер на Кина, во понеделникот беше во Пјонгјанг, каде разговарал со северно-корејскиот лидер Ким Јонг Ил. Детали од средбата не се познати, освен дека Ким побарал враќање на преговарачка маса што е можно побрзо и тоа без претходни услови. Домаќин на преговорите ќе биде Кина, како близок сојузник на Северна Кореја, а на него ќе учествуваат уште двете Кореи, САД, Русија и Јапонија.

Денеска во посета на Јапонија се наоѓа и американскиот министер за одбрана Леон Панета.

Автор: ГЧ/ дв/ афпе

Редактор: А. Трајковска