Поддршка за Македонија од американски сенатори и конгресмени
6 октомври 2010
Адерхолт беше еден од иницијаторите на писмото за поддршка на Македонија за влез во НАТО, потпишано од 19 конгресмени, што во петокот (01.10.2010) беше испратено до американскиот претседател Барак Обама и други официјални претставници на САД.
Конгресменот Адерхолт рече дека многу е важно да се знае за придонесот што Македонија го дава не само во Авганистан, туку и за ширење на демократијата и слободата.
Коњановски во рамките на посетата на САД оствари средба и со сенаторот Патрик Леахи, кој поднесе Резолуција за Македонија во Сенатот. Сенаторот од Вермонт Леахи му ја предаде Резолуцијата на министерот Коњановски и притоа истакна дека поддршката од САД и од него, како сенатор е јасна и недвосмислена и оти Република Македонија треба да биде вреднувана во согласност со сето она што го има направено изминатиот период. Тој посебно се осврна на македонското учество во мировните мисии и улогата што ја има во нив.
Министерот за одбрана се сретна и со помошникот - државен секретар во Бирото за Воено - политички прашања на Стејт Департментот Анрев Шапиро и имаше работен ручек со претставници на администрацијата од Стејт департментот и Пентагон.
Автор: ЖА/БГ/миа
Редактор: Елизабета Милошевска Фиданоска