„Постојат организирани напади против папата“

Отсекогаш постоеле инструментализирани напади, но овојпат тие се целни и остри, критикуваше Бертоне на италијанската телевизија РАИ 1. Бертоне истакнува дека аферата со обелоденувањето доверливи документи од Ватикан не го заплашува папата, иако е за жалење што преку истекувањето важни информации се врши повреда на приватната сфера на папата и неговите најблиски соработници. Сепак, според него, соработниците на папата се единствени во негова поддршка. Бертоне, втор по ранг човек во Ватикан по папата, поради својот стил на управување е мета на критики и многумина сметаат дека објавувањето важни документи е обид за негово сменување, односно притисок за да поднесе оставка.

Пред неколку дена беше притворен батлерот на папата, откако во неговиот стан беа најдени доверливи документи на папата Бенедикт Шеснаесетти, а ватиканското обвинителство треба да го сослуша оваа недела во рамките на истрагата. Документи од Ватикан беа објавени во медиумите, а не се знае како стигнале до нив.