Прага и Вашингтон ќе преговараат

Чешката влада формално се согласи да отвори преговори со САД околу плановите за инсталирање американски антиракетен систем на чешка територија. Веста ја потврди и премиерот Мирек Тополанек. Вашингтон побара да инсталира радарска станица во близина на Прага и ракетен систем во Полска како дел од планот за ширење на својот одбранбен систем. Планот наиде на силен отпор од Москва. Германија како претседавач со Унијата повика за ова прашање да се разговара во рамки на НАТО.