1. Прескокни до содржината
  2. Прескокни до главната навигација
  3. Кон други страници на DW

Продлабочено сојузништво

8 мај 2008

Македонија и САД ја потпишаа Декларацијата за стратешко партнерство и соработка. Потписот на документот во Вашинтон го ставија министрите за надворешни работи на двете земји, Кондолиза Рајс и Антонио Милошоски.

https://p.dw.com/p/DwQL
Кондолиза Рајс вети продолжување на поддршката за МакедонијаФотографија: AP
Декларацијата содржи три основни елементи. Првиот се однесува на јакнење на соработката во областа на трговијата и економијата, вториот е во рамките на безбедносниот сектор и третиот е за изнаоѓање на поконкретен начин за доближување и поинтензивни контакти на општествено ниво меѓу Македонија и САД. Министерката Рајс по средбата изјави дека САД и понатаму ќе продолжи силно да го поддржува зачленувањето на Македонија во НАТО и се надева на скоро решение на спорот околу името со Грција. За министерот Милошоски овој документ има историско значење.