1. Прескокни до содржината
  2. Прескокни до главната навигација
  3. Кон други страници на DW
ТВ во живо
Најнови видеа
Во фокус
Војна во УкраинаBalkan BoosterИзбори 2024

Протестите во Белорусија продолжуваат

21 март 2006

Во главниот град на Белорусија, Минск, продолжуваат протестите против победата на Александар Лукашенко на претседателските избори. И покрај предупредувањата на безбедносните сили, околу 400 опозиционери, претежно млади, ја минаа ноќта во шатори. Изутринава се уапсени повеќе лица.

https://p.dw.com/p/Ac7y
Приврзаниците на Милинкевич на протести во Минск
Приврзаниците на Милинкевич на протести во МинскФотографија: AP

Опозицијата во Белорусија има намера да продолжи со протестите и покрај заканите на власта. Германскиот министер за надворешни работи, Франк Валтер Штајнмаер, од владата во Минск побара да го почитува правото на слобода на мислење и на собирање:

“Од белоруската влада барам да го почитува правото на слобода на собирање и да не презема репресивни мерки.“

Според мислењето на меѓународните набљудувачи, изборите одржани во неделата не биле ниту слободни, ниту фер.

Претседателските избори во Белорусија не одговараа ниту на меѓународните стандарди,ниту на демократското гласање. Тие не протекоа фер и слободно,изјави раководителот на набљудувачката мисија на ОБСЕ и претседател на Парламентарното собрание, Алце Хастингс во Минск. Демократијата во Белорусија сеуште носи детски чевли,додаде тој. Свеоволното употребување на државните средства, кое очигледно требаше да ги штити властите,ги премина разумните граници, остро критикуваат набљудувачите од ОБСЕ.

САД не сакаат да ги признаат резултатите од изборите и бараат одржување нови избори. Според официјалните резултати, Александар Лукашенко, кој владее 12 години, добил 83% од гласовите, а лидерот на опозицијата, Александар Милинкевич, шест проценти гласови.