1. Прескокни до содржината
  2. Прескокни до главната навигација
  3. Кон други страници на DW

Протести на Гринпис ширум светот поради апсењето во Русија

ЕМФ/афп5 октомври 2013

Поддржувачите на организацијата за заштита на животната средина Гринпис денеска (05.10.) на протести ширум светот бараат Русија да ги ослободи затворените активисти на оваа огранизација.

https://p.dw.com/p/19uBO
Фотографија: picture-alliance/dpa

Во Германија денеска беа организирани околу 45 протестни акции. Демонстрации се одржаа или се планирани уште во десетици земји во светот, меѓу другото и во градови како Париз, Лондон, Мадрид, Ден Хаг. Завршната акција треба да се одржи во Вашингтон. Русија е под зголемен меѓународен притисок поради апсењето на 30-члениот екипаж на бродот на Гринпис „Арктик Санрајс“. Мала група активисти денеска се собра на протести и во паркот Горки во Москва.

Руските правосудни власти уапсија и притворија 30 екологисти од 18 земји по една протестна акција во Арктикот поради, како што беше наведено, „пиратство“. Активистите на Гринпис на средината од септември упаднаа на една руска платформа во Арктикот за на тој начин да обрнат внимание на ризиците по животната средина од експлоатацијата на нафта и гас во тој дел од светот. Доколку бидат осудени, на притворените им се закануваат казни до 15 години затвор. „Арктик Санрајс“ пловеше под холандско знаме.

Greenpeace Aktivist Ruslan Yakushev verhaftet
Руслан Јакушев, украински активист на Гринпис уапсен во Русија заедно со уште 17-те други активистиФотографија: picture-alliance/AP Photo

Руската влада денеска реагираше без вобуда на растечкиот меѓународен притисок. Настаните околу „Арктик Санрајс“ се „чиста провокација“, изјави заменикот руски министер за надворешни работи Алексеј Мешков за агенцијата Риа Новости. „Русиjа ја замоли Холандија повеќе пати во изминатите 6 месеци да ги забрани активностите на бродот“, рече Мешков. Холандската влада вчера соопшти дека има намера да преземе правни чекори против Русија, доколку во наредните две недели не биде постигнат напредок во спорот.