Радост за фановите на Астерикс

Уве Вардер пораснал со авантурите на Астерикс и Обеликс. Ве меѓувреме и неговата ќерка е голем фан на бестрашните Галијци. Сега тие конечно можат да го земат в раце новото, 35-то издание. И?

„Стилот на цртање е прилично добро направен, понекогаш е малку послаб, но сосема силно одговара на оригиналот“, вели Уве Вардер.

Фановите како Уве Вардер оставија зад себе едно време на страдање - албумите од првобитниот цртач Алберт Удерзо во последно време се’ помалку воодушевуваа.

„Астерикс кај Пиктите“ (латински назив за домородно население во денешна Шкотска, н.з.) е само првото издание без Удерзо, а веќе е како во добрите стари времиња. Црн хумор, клишеа кои се сатиризирани, многу тепачки и Шкоти кои имаат свои „бубачки“ во глава.

„Шкотите за тоа нема да се смејат. Имено, зборував со Англичани за ’Астерикс со Англичаните’ и тие исто така не можеа да се смејат на тоа“, вели една повозрасна жена.

Но, тие очигледно можат - најдовме Шкоти на кои новото издание сосема им се допаѓа.

„Внатре има се’ што човек може да очекува од Шкотска - гајди, здолништа, чудовиште и прастаро виски, што сметам дека е особено интересно“, вели Евен, фан на Астерик и Обеликс.

Единствените кои мораат и натаму да му ја мислат остануваат Римјаните!