Распуштена владата на либиските бунтовници

Претседателот на Националниот преоден совет на либиските бунтовници, Мустафа Абделџалил, ја распушти владатa, потврдија портпароли на движењето. Задача да ја реформира владата доби досегашниот премиер Махмуд Џибрил. Новата влада ќе ја сочинуваат 15 членови, задолжени за управување со подрачјата, кои се под контрола на бунтовниците, главно во источниот дел од Либија.

По минатонеделното убиство на началникот на востаничкиот генералштаб, генералот Абдел Фатах Јунес, во Бенгази се’ посилни се шпекулациите за раздор во редовите на бунтовниците.

Автор: БГ/ТТ/ап, миа

Редактор: Горан Чутаноски