Рација во Глазгов

Британската полиција спроведува рација во Глазгов откако е утврдено дека нападо во аеродромот во шкотскиот град е поврзан со откриените бомби во Лондон. За вмешаност во двата инцидента се уапсени пет лица. Болницата во Глазгов во која се наоаѓаат двајца од осомничените е евакуирана поради сомневање од напади. Претходно британската влада го подигна на највисоко, критично ниво степенот на безбедност, што укажува на непосредна опасност од терористички напади. Премиерот Гордон Браун изјави дека “граѓаните треба да бидат претпазливи, како и дека земјата се соочува со долготрајна закана која нема да исчезне за неколку дена или месеци.”