Реакции на изјавата на Чеку за независност
10 октомври 2007Реклама
Српската влада предупреди дека изјавата на косовскиот премиер Агим Чеку дека покраината ќе прогласи независност доколку меѓународните преговарачи не постигнат договор за статусот на покраината до 10 декември, е отворена закана и уривање на преговарачкиот процес. Агим Чеку по вчерашните разговори во Лондон со британскиот министер за надворешни работи Дејвид Милибанд изјави дека Приштина ќе ја донесе одлуката многу бргу по истекот на крајниот рок на преговорите и без поддршка од ЕУ. На синоќешните затворени консултации во советот за безбедност САД побарале брзо решение. Русија смета дека преговорите не смеат да имаат временска рамка.