Русија-ЕУ

Рускиот претседател Владимир Путин на прославата на 50 годишниот роденден на ЕУ повика на нов договор за партнерство меѓу Русија и ЕУ. Во денешното издание на весникот “Франкфуртер Алгемајне Цајтунг“, Путин пишува дека Москва има намера да ги развие односите со Брисел, но нема намера да аплицира за членство во унијата. Рускиот претседател го нагласува придонесот на неговата земја за развојот на европската цивилизација. Во моментов, преговорите за нов договор за партнерство на Русија и ЕУ се блокирани поради спорот меѓу Москва и Варшава околу увоз на полско месо во Русија.