Руската Влада два пати ги алармирала САД за Тамерлан Царнаев

Руската Влада двапати ги алармирала американските власти во врска со Тамерлан Царнаев (на фотографијата горе), постариот од двајцата браќа, кои стојат зад бомбашките напади за време на бостонскиот маратон на 15 април, изјавија двајца американски претставници.

Во есента 2011 година руските власти се поврзале со ЦИА во врска со Тамерлан, а истата година Русија за ова прашање го информирала и ФБИ. ФБИ соопшти дека неговите агенти го инервјуирале Царнаев, но не откриле ништо, кое ги наведувало да помислат дека браќата Царнаеви се дел од екстремистичка групација и им ги пренеле своите заклучоци на руските власти.

ЦИА, пак ги поделила сите добиени информации за Тамерлан со останатите американски федерални агенции. Во есента 2011 година ЦИА побарала Тамерлан да биде вклучен на листата на лица, кои ќе бидат набљудувани, изјави американски претставник на разузнавањето.

Според анонимните американски претставници Тамерлан бил вклучен од ЦИА во базата на податоци на американската Влада, која се однесувала на осомничени терористи за напади, извршени 18 месеци пред Бостонскиот маратон.

Неколку американски конгресмени и сенатори најавија дека сериозно ќе ја анализираат работата ФБИ и ЦИА во врска нападот, откако првичните информации покажаа дека двете служби недоволно соработуваат во борбата против тероризмот и покрај системот кој овозможува заедничко следење на осомничените за тероризам.